Martın 1-dən aprel ayının 15-dək … – FHN elan etdi


 Bakı  9°C  1.7 

Mgid

TİBETTEACinsi zəifliyini aradan qaldıran 5 möhtəşəm ev üsulu. Resepti yazhttps://metbuat.az/html5_frames/mover-serfeli-mob/index.htmlKORONAVİRUS – CANLI STATİSTİKAhttps://code.ainsyndication.com/v2/show.php?k=eNpFkc1u2zAQhF-F4CkBKop_pmTqZARoiybuJQUK9GKQ5jpcIkyRgkhcJ02KvnslR0Fvux92d2ZIoxnXf7JuNM4hlYN3uPNatkp1WbcaP3t4MTZcMO6sZjNSGrs0GB_x3DCq8VwwxV5MIeZtIVLj0TzBUqqtxn0pY9Z1_X-ojvCSayYpbRivBzMVHytWOYiVGVwnCJV59XFBm5mdSV-GsBzjGvvxKjkrcMaJbAiTnHDefhg5pkss0-s1wXVh92t11JvcL6WYIXeUcWidOG6FtKqRXCfYilaok3XWSWuWuY3GKa8vweUM5iQOnv0RVsiaVfOSYTrMeWO5uuBC43168yGYekMounnw8fK7Q7vopuQdYrRDj_vqm2L08_dbtBvHXDA_wd77Um9EQ4RCN_dff-wfPqHgz4C-wPGcbtFdP6UB6rYllEjBJWEtQ_tkfVww9GhOZvLrNn7_H58PNpXFXCd9D2Pch28q1bb7-w8CnpO2

Martın 1-dən aprel ayının 15-dək … – FHN elan etdi

Martın 1-dən aprel ayının 15-dək ... -

 21:4227 Fevral 2021 4108 ÖlkəElvin NüsrətA-A+ Paylaş Tweet Whatsapp

.

Azərbaycan Respublikası Fövqəladə Hallar Nazirliyinin Akademiyasına 2021/2022-ci tədris ili üçün təhsilin bakalavriat səviyyəsinə kursant qəbulu elan edilir.

Nazirlikdən Metbuat.az-a verilən məlumata görə, Akademiyada “Həyat fəaliyyətinin təhlükəsizliyi mühəndisliyi” və “Yanğın təhlükəsizliyi mühəndisliyi” ixtisasları üzrə kadr hazırlığı həyata keçirilir.

Təhsil müddəti 4 ildir. Təhsil dövlət sifarişi əsasında ödənişsiz əsaslarla əyani şöbədə həyata keçirilir. Tədris Azərbaycan dilində aparılır.

Akademiyada müasir avadanlıqlarla təchiz edilmiş təlim qurğuları, ixtisaslaşdırılmış auditoriyalar, laboratoriyalar, xüsusi fənn kabinələri kursantların istifadəsindədir.
Akademiyaya qəbul olan şəxslər təhsil müddətində yemək, xüsusi geyim forması və yataqxana ilə təmin olunur, təqaüd alırlar.

Akademiyanın məzunlarına seçdikləri ixtisasa uyğun “bakalavr” ali peşə-ixtisas dərəcəsi, hərbi və ya xüsusi rütbələr verilməklə Fövqəladə Hallar Nazirliyinin qurumlarında müvafiq vəzifələrə təyin edilirlər.

Akademiyaya qəbula namizədlər boyu 170 sm-dən az olmayan, tam orta təhsilli və ya tam orta məktəbin buraxılış sinfində oxuyan, 17 yaşı 15 sentyabr 2021-ci ilədək tamam olan, yaxud müddətli həqiqi hərbi xidmətini başa vuraraq ehtiyata buraxılmış və 23 yaşı 15 sentyabr 2021-ci ilədək tamam olmayan Azərbaycan Respublikasının vətəndaşları sırasından seçilir.

Qəbul imtahanı test üsulu ilə birinci mərhələdə buraxılış imtahanları fənləri üzrə, ikinci mərhələdə isə I ixtisas qrupunun fənləri üzrə Dövlət İmtahan Mərkəzi tərəfindən keçirilir.
Sənədlər mart ayının 1-dən aprel ayının 15-dək (şənbə, bazar və bayram günləri istisna olmaqla) saat 10:00-dan 17:00-dək əvvəlcədən növbə götürmə və təyin edilmiş vaxtda dəvət edilməklə Fövqəladə Hallar Nazirliyinin Akademiyasında (ünvan: Bakı şəhəri, Suraxanı rayonu, Hövsan qəsəbəsi, Elman Qasımov küçəsi-8) qəbul edilir.

Abituriyentlər aşağıda qeyd edilmiş telefon və ya “WhatsApp” nömrələrinin birinə ad, soyad, ata adı, təvəllüd və telefon nömrəsini bildirməklə dəvət olunacağı gün və saat barədə məlumat əldə edə bilərlər.

Əlaqə telefonları: (012) 512-41-61; (012) 512-41-20.

WhatsApp: (055) 375-14-14.

Həmçinin, daha ətraflı məlumatı Fövqəladə Hallar Nazirliyinin (www.fhn.gov.az) və Dövlət İmtahan Mərkəzinin (www.dim.gov.az) rəsmi internet saytlarından əldə etmək olar.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir